Sanadad digitala

La communicaziun ed ils process digitals èn instruments centrals per in provediment da sanadad effizient, fidabel e segir per nus tuts.

Sanadad digitala


Dossier electronic dal pazient (DEP)


Dossier electronic dal pazient (DEP)

Persunal, segir, transparent

Infurmaziuns areguard la sanadad tutgan al singul burgais ed a la singula burgaisa. Tuttina possedan oz mo ils pli paucs ina survista cumpletta da las atgnas datas da sanadad, sco per exempel vaccinaziuns, glistas da medicaments, radiografias u rapports d’ospital. Questas infurmaziuns n’èn betg mo impurtantas per las pazientas ed ils pazients, mabain era per las persunas spezialisadas dal sectur da sanadad. En spezial, sche pliras persunas da tractament èn involvidas – per exempel la media da chasa, l’apotecher e l’ospital – u sch’ins dovra en in cas d’urgenza la gruppa da sang u la disposiziun dal pazient. Questas infurmaziuns tutgan en il dossier electronic dal pazient persunal – uschia èn ellas adina actualas e disponiblas en cas da basegn.

 

Il dossier electronic dal pazient (DEP) vegn introducì gradualmain en il decurs dal 2020. S’inscrivai qua. Nus As infurmain, uschespert ch’in DEP certifitgà è disponibel en Vossa regiun.

 

 

Tgi che sa dapli, po dapli – per la populaziun en la Svizra dal Sidost signifitga il dossier electronic dal pazient persunal infurmaziuns pli cumplessivas, dapli transparenza, meglras cumpetenzas en dumondas da sanadad ed ina participaziun pli gronda. El renda però era pli segir e pli effizient il process da tractament medicinal. Per las persunas spezialisadas dal sectur da sanadad signifitga el: infurmaziuns disponiblas immediat, ina meglra communicaziun interdisciplinara, ina pli gronda efficacitad e dapli effizienza.

Il dossier electronic dal pazient persunal procura che las datas e las infurmaziuns relevantas per il tractament sco era las datas ed infurmaziuns da sanadad registradas dal pazient sez stettian adina a disposiziun a moda actuala.

Tgi che po prender invista da las datas ed infurmaziuns da sanadad decida sulettamain la possessura u il possessur dal dossier electronic dal pazient persunal. Quai è fixà en la lescha federala.

Uniun eHealth Sidost


Uniun eSANITA

Da cuminanza per in futur saun

La digitalisaziun mida radicalmain la communicaziun en il provediment da sanadad e la retratga da servetschs da sanadad. La communicaziun digitala e process digitals standardisads tranter las persunas spezialisadas dal sectur da sanadad e la populaziun èn per la societad mobila dad oz ina premissa impurtanta per in provediment da sanadad segir, effizient e d’auta qualitad. Datas ed infurmaziuns da pazients duain star a disposiziun il dretg mument, en la dimensiun giavischada ed en il dretg lieu. En il cas d’urgenza po quai era salvar vitas – betg il davos era grazia al dossier electronic dal pazient persunal.

Tge che nus faschain

En l’uniun d’utilitad publica èn s’alliadas persunas spezialisadas dal sectur da sanadad ed organisaziuns da sanadad innovativas. Ellas digitaliseschan lur communicaziun e lur process ina tranter l’autra e garanteschan en il futur – cun agid dal dossier electronic dal pazient – era la communicaziun cun lur pazientas e pazients.

L’uniun dumbra oz passa 140 commembras e commembers en ils chantuns Grischun, Glaruna, Appenzell Dadora ed Appenzell Dadens sco er en la Val dal Rain Songagliaisa. I fan part ospitals, clinicas psichiatricas e clinicas da reabilitaziun sco era la plipart da las chasas d’attempads e da tgira e lur associaziuns. En il sectur ambulant s’engaschan bleras organisaziuns da Spitex ed apotecas sco er autras associaziuns professiunalas.

L’infrastructura da basa tecnica standardisada per ils process digitals stat a disposiziun dapi la fin dal 2019 e vegn extendida cuntinuadamain. Quai correspunda a la strategia dad eHealth dad eHealth Suisse, da l’organ da cumpetenza e da coordinaziun da la Confederaziun e dals chantuns. Part da l’uniun è la «Cuminanza da referiment Sidost», renconuschida tenor la Lescha federala davart il dossier electronic dal pazient (LDEP), che metta a disposiziun ils dossiers electronics dal pazient en la Svizra dal Sidost. Ella garantescha che vegnan resguardadas las prescripziuns legalas, en spezial er en il sectur da la protecziun e da la segirezza da datas.

«Rapport sanadad» Ospital chantunal dal Grischun (favrer 2016)

Actualitads

23.06.2020 – News:
Vom Verein eHealth Südost zum Verein eSANITA

Der bisherige Verein eHealth Südost hat sich an seiner Generalversammlung vom 18.06.2020 umbenannt. Seine Produktepalette umfasst die eSANITA eHealth-Services (B2B) und das eSANITA EPD (das persönliche elektronische Patientendossier).

Präsident des Vereins eSANITA ist Dr. oec. HSG Arnold Bachmann, Geschäftsführer ist Richard Patt.

Medienmitteilung Verein eSANITA vom 23.06.2020

 

 

 

Commembranza

Tut ils furniturs da prestaziuns en il sectur da la sanadad publica han la pussaivladad da s’associar a l’uniun sco commember singul, collectiv u passiv.

Repartiziun dals commembers ils 31-12-2019

Direcziun uniun eSANITA

President
Dr. oec. HSG Arnold Bachmann

Vicepresident
Lucian Schucan – ospitals acuts

Ulteriurs commembers da la suprastanza
dr. Max Caviezel – apotecas
Corsin Federspiel – terapeutas e terapeuts
lic. oec. Markus Hauser – repr. da Glaruna
Angela Honegger – chasas d’attempads e da tgira
Harald Keckeis – clinicas da reabilitaziun
Marc Kollegger – clinicas psichiatricas
Monika Schnoz – organisaziuns da Spitex

Post d’administraziun
Richard Patt – gestiunari
Heidi Lampert-Eberle – referendaria/contabilitad
Mario Eugster – manader dal project eHealth
Philipp Birri – schef da gestiun e coordinatur dad ICT eHealth Nord
Daniel Andrea Rocca – coordinatur dad ICT eHealth Sid

Statuten Verein eSANITA 18.06.2020