Uniun eSANITA

Da cuminanza per in futur saun

L'UNIUN ESANITA


Sia finamira è da porscher servetschs digitals che portan avantatgs a las persunas spezialisadas dal sectur da sanadad ed a la populaziun.

Da cuminanza per in futur saun

La digitalisaziun mida radicalmain la communicaziun en il provediment da sanadad e la consumaziun da servetschs da sanadad. La communicaziun digitala ed ils process digitals standardisads tranter las persunas spezialisadas dal sectur da sanadad e cun la populaziun èn per la societad mobila dad oz ina premissa impurtanta per in provediment da sanadad segir, effizient e d’auta qualitad. Datas ed infurmaziuns da pazients duain star a disposiziun en il dretg mument, en la dimensiun giavischada ed en il dretg lieu. En cas d’urgenza po quai era salvar vitas – betg il davos era grazia al dossier electronic persunal dal pazient.

En l’uniun d’utilitad publica eSANITA èn reunidas persunas spezialisadas dal sectur da sanadad ed organisaziuns da sanadad innovativas. Ellas digitaliseschan ina tranter l’autra lur communicaziun e lur process e garanteschan en il futur – cun agid dal dossier electronic persunal dal pazient (DEP) – era la communicaziun cun lur pazientas e lur pazients.

L’uniun dumbra oz passa 140 commembras e commembers en ils chantuns Grischun, Glaruna, Son Gagl, Appenzell Dadens ed Appenzell Dadora. I fan part ospitals, clinicas psichiatricas e clinicas da reabilitaziun sco era la plipart da las chasas d’attempads e da tgira e lur associaziuns. En il sectur ambulant s’engaschan bleras organisaziuns da spitex, apotecas, medis e terapeuts sco er associaziuns professiunalas.

La plattafurma tecnica standardisada B2B eHealth per ils process digitals stat a disposiziun dapi l’entschatta dal 2020 e vegn extendida cuntinuadamain. Quai correspunda a la strategia eHealth dad eHealth Suisse, il post da cumpetenza e da coordinaziun da la Confederaziun e dals chantuns. Part da l’uniun fa la ”Cuminanza da referenza DEP Sidost“, renconuschida tenor la Lescha federala davart il dossier electronic dal pazient (LDEP). Ella metta a disposiziun il dossier electronic persunal dal pazient (DEP) en la Svizra Sidorientala e garantescha che las prescripziuns legalas vegnan resguardadas, en spezial er en il sectur da la protecziun e da la segirezza da datas.

«Report Gesundheit» da l’Ospital chantunal dal Grischun (favrer 2016)

DIRECZIUN DA L’UNIUN ESANITA


Ils umans davos l’Uniun eSANITA

La suprastanza da l’Uniun eSANITA

President
Dr. oec. HSG Arnold Bachmann

Vicepresident
Lucian Schucan – ospitals per cas acuts

Ulteriurs commembers da la suprastanza
Dr. Max Caviezel – apotecas
Corsin Federspiel  – terapeutas e terapeuts
lic. oec. Markus Hauser – represchentant glarunais
Angela Honegger – chasas d’attempads e da tgira
Harald Keckeis – clinicas da reabilitaziun
Marc Kollegger – clinicas psichiatricas
Monika Schnoz – organisaziuns da spitex

Post d’administraziun da l’Uniun eSANITA

Richard Patt – gestiunari
Heidi Lampert-Eberle – referendaria/contabilitad
Mario Eugster – manader dal project eHealth
Philipp Birri – schef da gestiun e cooordinatur dad ICT eHealth Nord
Daniel Andrea Rocca – coordinatur ICT eHealth Sid

COMMEMBRANZA EN L'UNIUN ESANITA


Commembranza per furniturs da prestaziuns e represchentants dal sectur da sanadad

Ils furniturs da prestaziuns e represchentants dal sectur da sanadad pon daventar commembers singuls, commembers collectivs u commembers passivs.

Commember activ

Commember singul

Furniturs da prestaziuns staziunars ed ambulants sco ospitals, chasas d’attempads e da tgira, clinicas da reabilitaziun, clinicas psichiatricas, spitex, labors, instituts da radiologia, apotecas, praticas da medis, terapeutas e terapeuts sco era persunas spezialisadas dal sectur da sanadad che lavuran a basa independenta.

I vegn differenzià tranter commembers activs e commembers singuls che vulan far part unicamain da la rait digitala cun auters furniturs da prestaziuns (Servetschs B2B) ed ils commembers che vulan ultra da quai era far part dal dossier electronic persunal dal pazient (DEP) da la Cuminanza da referenza Sidost.

Commember collectiv

Organisaziuns dal sectur da sanadad che represchentan ils furniturs da prestaziuns u las persunas spezialisadas dal sectur da sanadad independentas.

Commember passiv

Acturs dal sectur da sanadad che s’engaschan per realisar il dossier electronic dal pazient (chantuns, organisaziuns dals pazients, etc.).

Repartiziun dals commembers ils 31-12-2019

Daventai ussa commember

Sco furnitur da prestaziuns u represchentant dal sectur da sanadad vulessas Vus daventar commember da l’Uniun e SANITA? Ils statuts da l’Uniun eSANITA (Statuten Verein eSANITA) cuntegnan infurmaziuns detagliadas. Per dumondas davart las contribuziuns da commember As drizzai directamain al post d’administraziun.

Jobs


APPLICATION MANAGER (f/m) 80 – 100 %

eSANITA unterstützt die Digitalisierung der Kommunikation im Gesundheitswesen und hat sich in den vergangenen 5 Jahren zu einem relevanten Akteur in der Ostschweiz entwickelt.

Der Verein betreibt eine digitale Vernetzungsplattform für mittlerweile über 150 Leistungserbringer in 5 Ostschweizer Kantonen. Zudem steht der Start des vom Bund gesetzlich vorgesehenen elektronischen Patientendossiers für die Bevölkerung unmittelbar bevor.

Zur Unterstützung unseres kleinen, engagierten Teams suchen wir Sie als Application Manager (f/m). Wir freuen uns auf Ihre Bewerbung.

Stelleninserat – eSANITA Application Manager 80-100%